MAPENZI KABURINI

MWANDISHI: SAID KAITA


MAWASILIANO: 0783372139

E-mail: Saidikaita7@gmail.com

Facebook Page: Saidikaitastories.com

Blog: Saidikaitastories

                   ONESHO LA KWANZA
(Ni mishale ya saa tano asubuhi. Durudu akiwa na marafiki zake kijiweni. Durudu anamuongelea msichana aliyerudi kutoka mjini siku si chache aitwaye Safi. Baadhi ya rafiki zake wanamvunja moyo kwamba hawezi kumpata Safi, mmojawapo ni Pajero. Baada ya rafiki zake kumpa maneno kuhusiana na Safi. Durudu anaamua kuondoka huku akiwa na mawazo mengi kwelikweli. Anapoelekea nyumbani anakutana na Safi njiani akiwa anaelekea nyumbani. Durudu anamsalimia kwa bashasha zote).
Durudu:(Anamsalimia kwa kumpa mkono).
                 Mambo vipi Safi?
Safi:       (Safi anamjibu kwa mashauzi ).
                Safi.
Durudu: Habari za mjini?
Safi:       Nzuri tu.
Durudu: Huko Dar es salaam pazuri
                 kwelikweli. Kwasababu umerudi
                 ukiwa unang’ara  sana.
Safi:       Kawaida tu.
Durudu:  Hasa unajua  Safi… mara kwa
                mara umeona nikikwambia sana
                 suala kuwa
                mpenzi wangu. Lakini bado naona
                kwako inakuwa kama mzigo
                 mkubwa sana.
Safi:       “ anacheka kwa kumkebehi”
                 hahahaha!!!
Durudu: Unajua Safi nakupenda sana.
Safi:      Asante sana.
Durudu: siyo hivyo ulivyochukulia.
Safi:      Bali?
Durudu: Nataka uwe mpenzi wangu.
Safi:     Mbona nina mchumba! Na
              nilishakwambia tangu mwanzo
              huelewi wewe Durudu?
Durudu: Hapana ila wewe nielewe bana
               kwanza.
Safi:       Wewe embu nielewe. Kwanza
                 wanipotezea muda mie. Mimi
                siwezikuwa katika
               mahusiano ya kimapenzi na
               mvulana yeyote hapa  mkurumuzi.
               Siyo type yangu   nyiye.   Wewe
               unaweza kuuhudumia huu mwili?
               (Safi anaondoka na kumuacha
                Durudu akiwa anamuangalia tu).
(Durudu akiwa anaelekea nyumbani kwa kweli anamuona rafiki yake anamuendea na kumsalimia. Durudu anamueleza Yule rafiki kuhusu Safi lakini rafiki yake anamwambia ajikaze tu atampata. Baada ya maongezi kuisha Durudu anaelekea nyumbani kwake huku akiwa anaongea peke yake kimoyomoyo akisema hivi).
"Huyu Safi ananiumiza kichwa hivi. kwanza si kuna Yule Maalim namsikia hapa Mkurumuzi atanifanyia mambo yote haya. Naenda kwanza hapa nina kama shilingi elfu tano hii inamtosha".

(mishale ya saa saba anaonekana Durudu akiwa na maongezi na  Maalimu. Maalimu  amevaa kanzu nyeupe na kofia ya kumuonyesha hadhi yake. Wote wamekaa chini ya mkeka.)
Durudu:         Ahaa!!! Maalimu ni muda
                     mrefu sijakutembelea (Maalimu
                     anamkatisha maongezi
                        Durudu kwa kusema)
Maalimu:      Kwa hilo ondoa shaka kabisa…
                      kwa hilo ondoa shaka kabisa
                       najua nyie ni moja ya
                       vijana hapa kijijini ambao mna
                   chacharika sana, Kwahiyo lazima                     mambo mengi   yawepo.
Durudu:       Ni kweli Maalimu (akanyamaza
                    kwa sekunde kasha akasema).
                     Maalimu Jambo kubwa
                    lililonileta hapa ahaa….. kuna ….
                    Kuna …. Mwanadada hivi.
Maalimu:     Mwanadada?
Durudu:       Ndiyo… ndiyo Maalimu
Maalimu:     Mwanadada yupi huyo?
Durudu:       Ahaa…. Wanamuita… Safi.
Maalimu:     Anaitwa Safi?
Durudu:       Ndiyo… ndiyo Maalimu.
                       Natumai utakuwa unamjua
                       nikikuelezea vizuri.
Maalimu:     Embu nieleze vizuri,
Durudu:      Mwanadada hivi… si mrefu
                     sana , si mfupi sana, ni majani
                    ya kunde, si  mweupe
               kwa ujumla, ana umbo Fulani hivi
               zuri sana. Ametokea mjini Dar es    
              salaam juzi     juzi   tu hapa.
              Kwahiyo vijana wa Uburungeni
              wameshaanza
                     kumfatilia sana na
                       mimi namuelewa kweli kweli.
Maalimu:      Ahaaa … kwaiyo unasubiri
                 nini angali u kijana mzima?
Durudu:        Mimi nishamtongoza mara ya
                 kwanza, ya pili akakataa…. Sasa
                  kwa mara ya
                      tatu   nikaona ngoja nije kwako.
                 Kwasababu najua wewe ndo kila
                 kitu na utanipatia    kilainishi ili
                 nimpate huyu mwana dada.
Maalimu:      Kwaiyo ndiyo lengo lako kuu
                 kabisa?
Durudu:        Ndiyo Maalimu nataka
                nikimtongoza tu anikubalie na
                baadae jioni lazima  aje geto
                kwangu.
Maalimu:      Basi hilo ni jambo rahisi tu
                kama kilio cha samaki machozi
                kuishia baharini  tu na    bahari
                kuzidi kujaa.
Durudu:        Fanya kweli Maalimu.
Maalimu:      Ondoa shaka kwa hilo hapa
                umefika. (anaonekana akiwa
                anachukua kalamu ya mti na kisha
                 anachukua zaharani kidogo na kuikorogea katika kikombe  kilichokuwa na   maji kidogo kisha anaweka chini kikombe kile tayari akiwa    ameshayakoroga maji. Anachukua kalamu yake ya mti na karatasi jeupe pee kisha akachovya kalamu yake kwenye maji yale yaliyo changanywa   zaharani na kuwa rangi nyekundu. Baada  ya kuchovya anaonekana anaanza kuandika maneno ya kiarabu katika karatasi   lile  jeupe. Baada ya dakika tatu akawa ameshamaliza kazi kisha akamkabiakiangalia karatasi iliyokuwa imefungiwa dawa ndani yake)
Durudu:      (akipokea huku akiangalia
                  dawa ile kwa makini) Maalimu,
                   nipe maelekezo.
Maalimu:    Hilo ondoa shaka ndicho
                   kinachofuatia.
Durudu:     Ahaa… hapo sawa
Maalimu:    hii dawa utakuwa nayo tu
                     jaribu kuitunza lakini kuna
                     maneno   nimeshayaandika
                    hapa ya kuweza kumvuta nyota
                    na leo leo hatimaye
                    utatimiza haja yako.
Durudu:     Kweli Maalimu ?
Maalimu: Haswaaa kwa hilo ondoa shaka
                   kabisa, ni kitu kidogo tu hicho na
                   lazima leo leo   utampata.
Durudu:  Basi  nashukuru sana Maalimu
                  kwa msaada wako (anaingiza
                  mkono kwenye  mfuko wa  mbele
                 wa kulia kwenye suruali yake na
                 kutoa shilingi elfu tano
                 kisha anamkabidhi  Maalimu).
 Maalimu: (Anapokea hela huku akisema)
                 nashukuru kwa kutambua
                  mchango wangu kwako.
Durudu: Sawa Maalimu. Basi …..Maalimu
                acha mimi nigeuze.
Maalimu: Sawa utanipa taarifa.

(Durudu anapotoka kwa Maalim huku akiwa anafurahia kwelikweli akijua lazima tu atampata Safi kwa urahisi tu. Ghafla kwa mbele anamuona Safi akiwa anaelekea dukani, anamuendea anamfuata na kumsalimia).
Durudu: (Anamsalimia kwa kumpa mkono).
               Tumekutana tena.
Safi:       (Akiwa anafurahia kwelikweli).
               Yaani hadi nashangaa.
Durudu:  Usishangae… mambo ya kawaida
                haya bana. Kwanza watoka wapi?
Safi:         Natokea hapo nyumbani kuelekea
                 dukani.
Durud:    Aaaa… aaaa …. Unajua …. Unajua
                 Safi mimi bado na shida kwako.
Safi:        Yanini?
Durudu: Uwe mpenzi wangu.
Safi:        Unajua Durudu hata mi
                nakupenda sana ni kwa vile tu
                 muda ule hukuja na style
                 nzuri  tu.
Durudu: Kweli kabisaa?
Safi:        Kwanini nikufiche?... Huo ndiyo
                ukweli.
Durudu: Sawa basi. Vipi unaweza kupata
                 nafasi ukaja leo pale kwangu?
Safi:      Ndiyo nitatumia njia yoyote hadi
               nije tu. Ila si pale pale ulipokuwa
               unaishi?
Durudu: Ndiyo… ndiyo ni pale pale.
               Nihamie wapi tena tofauti na hapo.
Safi:      Haya basi.
Durudu: Kwahiyo utakuja saa ngapi?
Safi:       Kuanzia saa moja hivi wewe
               nisubirie tu hapo nyumbani kwako
               ukijua leo una  mgeni.
Durudu: Sawa.
Safi:       Haya basi acha mimi nielekee hapo
              dukani kwanza.
Durudu: Sawa.

(wanaagana kwa kukumbatiana. Safi anaondoka na kumuacha Durudu akiwa anamuungalia tu namna alivyojaaliwa umbile lake. Durudu anafikiria usiku wake wa leo utakuwa ni usiku mzuri sana kwa ugeni alioupata. Basi anaelekea hadi nyumbani kwake. Chumba anachoishi ni chumba kimoja tu. Kwahiyo akaingia na kuanza kupanga vizuri na kupafanyia usafi.Saa moja jioni giza limeshaanza kuingia.Durudu anaonekana amekaa hapo nje ya mlango wake akiwa anamsubiri huyo Safi. Tochi ikiwa imewaka kuleta mwanga kidogo.Ghafla anamuona Safi anakuja, anamkimbilia na kumkumbatia na kusema hivi).
Durudu:   (akiwa amemshika Safi kiuno).
                  Daaaa… unajua siamini kama ni
                  wewe umekuja hapa.
Safi:        Ndiyo uamini. Jamani mi
                n'taanzaje kukudanganya sasa.
Durudu:  Haya karibu ndani basi.Au
                 unataka tukae nje kwanza.
Safi:        Hapana sijaja kwa ajili ya kukaa
               nje.
Durudu:  Haya basi twende ndani mpenzi
               wangu.
(Wanaingia ndani tayari wala hataki kusubiri kwa sasababu haamini kama ni kweli yuko na Safi muda ule. Tayari wakaanza kutomasana Durudu akiwa na matarajio kweli ya kumfikisha kileleni ili afanye lake jambo kwa urahisi. Tayari Safi anajikuta kitandani kalegea Safi anasikika akisema hivi).
Aaaaaaa…



******************************************

.               ONESH0 LA PILI
(Asubuhi kumepambazuka Safi ndiyo anaamka yuko kavaa vinguo vya kumuonesha tu viungo vyake vyote vya ndani. Durudu naye yuko pembeni hapo akiwa ana furaha kwelikweli kwa mtomasano wa usiku mzima. Durudu anasikika akisema hivi ).
Durudu:   Mpenzi wangu…
Safi:        “Anaitika kwa sauti ya   chini tena
                  ya puani” yes honey.
Durudu:   Usiku wa leo ulikuwa mzuri
                 sana. Yaani nilikuwa natamani
                  kabisa hata pasikuche kwa utamu
                 huo. Amakweli wewe mtoto ni
                 mtamu sana.
Safi:        Asante Duru…. Yaani hata mimi
                mwenyewe hata sikuwa nataka
                pakuche  Kabisa.
Durudu:   Safi nakuomba tu usiniache.
                Kwasababu ulivyoniachia utamu
                wa leo hii   halafu   Kesho nije
                kusikia uko kwa mwingine kwa
                kweli roho itaniuma   sana.
Safi:        Hapana sitokuacha. Kuwa huru
                kabisa hapa ndiyo kwako na hii ni
                mali yako.  Mwenye dhamana ni
                wewe tu.
Durudu: Haya sina la kusema.
Safi:        Basi sawa Duru acha mimi nirudi
                nyumbani.
Durudu:Hawatokusumbua huko      
                nyumbani?
Safi:       Waanzie wapi. Mimi mtoto wa
               mjini bana lazima niwe huru…
               angali   mama   yangu anayajua
               haya vyema tu.
Durudu:Haya bana. “Anamchumu Safi na
               tayari wanainuka na kutoka nje”

      “Ni hapo hapo katika kijiji cha Mkurumuzi kwa muda unaonekana ni asubuhi hivi.   Durudu na Pajero wakiwa na maongezi ya hapa na pale. Wamekaa kwenye gogo”.
Durudu: Unajua Pajero leo mimi kama
                nakuona hauko fresh vile… au
                vipi?
Pajero:   Aaaa…. Unajua bana haya mambo
               gwaride…. Amakweli gwaride
               halina adabu.
Durudu:   unamaanisha nini Pajero?
Pajero:   si juzi juzi tu hapa  wewe ulikuwa
                unalalamika kuhusu huyo Safi.
Durudu: ndiyo… kwani inaingilianaje na
                mambo ya gwaride sasa?!
Pajero:   ulikuwa msemo tu. … aaa kwa
                ujumla ni kwamba kuna yule wa
                kuitwa Sofi. Yaani hata kama ni
                mke wa rafiki yangu kwakweli
                hapa mambo ya ushemeji
                nimeyashindwa…. Eeee bwana
               namtamani Yule mtoto kwelikweli.
               Nashanga juzi tu  hapa Yule Rojo
               katokea Dar eti tayari kammiliki.
               Sasa sijui nitampataje?
Durudu: sasa Pajero ya nini ukwamwe na
                tonge wakati mlenda upo?!!!.
                Mbona  jambo rahisi  Sana hilo.
                Kwani mimi mbona ilikuwa rahisi
                tu kumpata Safi. Huoni sasa hivi
                Safi   analala pale geto anaamkia
               pale mageto na
                       anashinda pale mageto. Yote hii ni  Kwasababu tu ya Maalim,  mzee wa
                       kuunganisha nyota na namna yoyote tu   utakavyo ili umpate huyo
                        unayemtaka.
Pajero:            kwani shilingi ngapi vile alikufanyia?
Durudu:         mbona hilo buku tano tu yaani chapu siku hiyo hiyo mambo mtelezo.
Pajero:           basi sichelewi umeshanifungua tulia nijipange kwa hako kabuku tano hata
                        niuze kuku tu hapa ili nimpate Sofi.

                     (mazingira yanayoonekana ni nyumbani kwa maalim ambapo amevaa kishekhe   Huku Pajero akiwa amekaa kitako kwenye kirago kakunja nne)
Maalim:        Nhaam kijana embu jieleze….
Pajero:          Daaaa…. Maalim mimi kuna mwanadada namhitaji niwe naye kimapenzi ila ndiyo
                     Hivyo kuna mtu ameshamuwahi.
Maalim:        hilo ondoa shaka kabisa. Wewe cha msingi unachotaka ni kwamba huyo
                     Mwanadada awe nawe kimapenzi au sivyo?
Pajero:          Ndiyo Maalim.
Maalim:         Mwanadada anaitwa nani?
Pajero:           Anaitwa Sofi.
Maalim:          Ahaaa…. Unataka tumfanyaje huyo mume wake?
Pajero:           Hata kumlaza uume kama ikiwezekana.
Maalum:        Ni maamuzi yako tu. Ndiyo maana nimekuuliza kwanza wala
                        sijakulazimisha mimi. Ndiyo Maalim hapa Mkurumuzi hashiki mtu hapo.
                        Yaani mimi mchana kweupe . Naweza kukubadilisha  wewe mwanaume
                       kuwa mwanamke. Mbona wananijua   Wengi tu. “anachukua karatasi akiwa
                        anaandika kupitia kalamu ya mti iliyotiwa
                      Katika maji yaliyochanganyiwa dhaharani na kuwa ya rangi nyekundu.
                      Anamkabidhi kikaratasi hicho kilichoandikwa maandishi ya kiarabu kisha
                      anamwambia hivi” sasa hii karatasi ishike na uishike vizuri kabisa. Nenda
                      nayo   kwa hapa mambo tayari.
Pajero:           Kwahiyo lini mambo yatakuwa yamenyooka?
Maalim:         Leo hii hii…wewe nenda kaandae kitanda chako tu.
Pajero:           Shukrani sana Maalim. “anaingiza mfukoni na kutoa shilingi elfu tano na
                     Anampatia Maalim kisha Maalim akasema hivi”.
Maalim:        Ahsante. Karibuni tena.

                  (Ni siku hiyo hiyo. Pajero na Durudu wako maeneo yao ya kupigia hadithi).
Durudu:        Vipi Pajero ushaweka mambo sawa?
Pajero:           Ndiyo nimetoka muda si mrefu huko kwa Maalim.
Durudu:        Ahaaa hapo tayari yaani leo leo hii Sofi anakuja hapo mageto kwako. Hiyo lazima.
Pajero:          Duuuuu siamini mpaka aje. Kwasababau yaani ungejuwa kitambo sana yaani
                        Nilikuwa nikimtamani sana Sofi. Yaani kama kweli leo nitamfanikisha daaaa
                        ntakuwa sijui kama nimesafiri hadi Uchina kwa miguu.
Durudu:           Acha mambo yako bana hawa watoto kuwapata ni kiurahisi tu. Yaani Mzee wa
                        kulainisha yuko pale halafu tushindwe kuwapata. Yaani sasa mimi hapa kijijini
                       ndiyo nataka nipitie visichana vyote vinavyojifanya mida saa sita kifuani. Kila
                       siku kumeza mate tu hadi koo linakauka sitaki.
Pajero:            Ndiyo maana yake.

                      (Ndani kwa Pajero. Panaonekana kuna taa ya solar imewaka. Kitandani wako
                       Sofi na Pajero. Sofi akiwa amevaa dera).
Pajero:            “Anaongea kwa kujifanya kama hajui chochote kabisa kuhusu Sofi kuja
                       muda huo  Kwa kuwa Sofi na Rojo tayari pameshatokea mtafaruku” Unajua
                       mimi  nimeshangaa sana kwa wewe kuwa muda huu hapa.
Sofi:                Hapana Pajero haina haja ya kushangaa. Kwasababu kuna haja gani ya
                      mimi Kulala na mwanamume ambaye jogoo hawiki?
Pajero:            Jogoo hawiki?!!!
Sofi:                Ndiyo.
Pajero:            Kwahiyo rafiki yangu Rojo jogoo hawiki kabisa?
Sofi:                Ndiyo. Wewe unafikiri mimi
                     kuja usiku huu kwako ni kirahisi tu. Mimi  ni
                        msichana na si msichana tu wa kukaa ndani usiku kazi yangu inajulikana. Sasa
                       ninapolala na mwanaume ambaye lifti haipandi si bora nije kwako tu.  
Pajero:           Haya bana. Kwahiyo kwasasa
                      nikuite shemu au nani?
Sofi:               Niite mke. Embu tupeane
                      utamu bana. “Na taa inazimwa”





******************************************


                       ONESHO LA TATU
(Ni mishale ya asubuhi inaonekana kumeshapambazuka. Kijiji kimechachama watu wanapita huku kule wakiwa kila mtu na yake. Huyu anaenda shambani, mwingine mtoni na sehemu nyingine nyinginezo. Rojo akiwa na hasira kwelikweli  anaonekana akiwa anaelekea kwa rafiki yake wa karibu ambaye ni Pajero. Rojo anaonekana amevaa suruali ya jinsi ya rangi nyeusi na tisheti nyeusi. Anafika kwa Pajero anakuta mlango uko wazi anaanza kuita huku akiwa anagonga mlango kwa nguvu).
Rojo:    Pajero…
Pajero:  “kimya”
Rojo:     Pajero…
Pajero:    “Anaitikia huku akiwa amelala”
              Oya nani wewe?
Rojo:       Eeee bwana embu toka huku nje.
             Mimi Rojo hapa…
Pajero:    “Pajero anainuka na kulitupa
              shuka lake anaangalia kwa
              dirishaani kumeshapambazuka
              kabisa. Anaanza kuongea
              kimoyomoyo akisema hivi ”. Huyu
              Rojo asubuhi yote hii ndiyo
              amenijia kwasababu ya huyo mke
               wake. Mhhh… embu
               nikamsikilize anasema nini.
Rojo:      Pajero embu toka haraka haraka.
Pajero:    Kwani kuna nini Rojo? “ Tayari
              Pajero muda huo ametoka akiwa
              amejifunika shuka tu”
Rojo:      Hivi Pajero rafiki yangu wa karibu
               kabisa ndiyo umeamua kunifanyia
               kabisa hivi?
Pajero:     Kukufanyia nini?
Rojo:       Unataka ujifanye hujui chochote
               angali hii movie umeicheza wewe
                kabisa. Yaaani   kabisa Pajero
               unaamua kunichukulia mke wangu
               kabisa na kuja kulala naye  usiku
               mzima na asubuhi ndiyo anakuja
               kama mfanyakazi wa ndani alalaye                nyumbani kwao.
Pajero:    Yaani ndiyo hicho kilichokufanya
               ukadamka asubuhi yote hapa na
               kuja kunipigia makelele asubuhi
               hii. Wakati huyo mke wako ndiyo
               amekuja mwenyewe  hapa na
               kanihadithia story nzima ikabidi
               nimkaribishe kwangu hapa.
Rojo:    Hongera sana kwa kuwa na ujasiri
              wa kuongea hivyo. Ila jua tu siku
              zote malipo ni hapa hapa duniani.
              Namshukuru Mungu na mimi
              nimeshampata mwanamme
              mwenzangu mwenye UKIMWI kwa
              hapa mkurumuzi na ninajua kuna
              zaidi ya wewe ambao  
              wameshamparamia huyo Sofi.
              Unanunua embe kwa kuangalia
              ganda lake tu. Kuwa makini. (Kisha
              akaondoka na kumuacha Pajero
              akiwa ameduwaa tu kwa
             maneno ya mwisho aliyoyasikia)

  (Ni mchana wa saa nane wanaonekana Maalim na Durudu wakiwa katika mazungumzo. Sehemu waliyokuwa wamekaa ni kwenye kirago. Maalim kama kawaida yake mzee wa kanzu muda wote kofia nyeupe kanzu ikiwa ni nyekundu).
Durudu:    Unajua Maalim yaani leo
              dhumuni kubwa la kuja mimi
              hapa… laaa kwamba ni kuja    
             kukushukuru tu kwa msaada
             mkubwa ambao unakuwa
            unanifanyia kwa kweli.
Maalim:    Hilo ondoa shaka kabisa Durudu.                Unajua kama umejaaliwa kuwa na
                msaada fulani  basi usikatae
               kuwapatia watu. Ni vyema
               kuwasaidia watu ili wasiendelee
               kuteseka na   mambo
               yanayowakumba.
Durudu:   Yaani si kwa hao wadada tu yaani               hata kwenye kesi mbalimbali za
              mashamba hapa kijijini    
             umenisaidia sana. Yaani kwasasa
             hao wadada kwanza mbona
             wananikoma sana.
Maalim:   Lazima wakukome kwasababu
             tayari ushapitia kwa simba hapa
              lazima msitu usinyae.
Durudu:   Hivi Maalim si huwa unawapata
              sana? Kwasababu kama sisi tu
              unatufanyia hivi, je vipi kwa wewe
              mwenye mauwezo kabisa?
Maalim:  Unajua mimi huwa nawashangaa
             sana hao wanaosema eti oooh...
               mganga hajigangi  waseme tu
               kwamba daktari hajigangi.
Durudu:   Kwanini Maalim?
Maalim:   Yaani mimi nimuone msichana
               Yule pale tayari ameshaanza
                kutunisha kifua kama njiwa
                manga halafu nimuache. Kwa
                ujinga upi huo nilionao. Yaani
                mimi nachinja juu
                kwa juu.
Durudu:   Kweli lazima uwanyooshe.
Maalim:  Yaani hutoamini kuna msichana
               nilikutana nae huko   Mwanza
               tukawa tumejuana  chapu chapu
               halafu nikaondoka zangu.
               Nilipofika tu  nyumbani nikamkalia .               kwenye kirago hapo nikayafanya
               mambo yangu hapo mbona
                nakwambia kesho yake ananipigia
                 simu anataka kuja kwangu.
Durudu:  Kwahiyo ikawaje?
Maalim:  Heee…. Kuja hapa kwangu vigumu                 wewe nilichomfanya nikumpeleka
                 guest house hapo galapo. Nilikaa
                 nae wiki nzima tu nakwambia
                 nilipiga kavu kavu.
Durudu:  Hukumleta hapa?
Maalim: Hapana weee aliishia kule kule
                asubuhi nikampandisha Noah za
                kwenda Babati nikaona
              hapana ni bora nimpeleke mpaka
               Babati tu. Saa ngapi vile ilipofika
               tayari magari   yanayotokea Moshi
               hayo hapo akapanda ndiyo moja
               kwa moja hadi leo. Kwanza
              nikamzimisha kabisa kumbukumbu
              kwangu.
Durudu:  Duuuu Maalim wewe hatari sana
              unajua.
Maalim:  Vitengo vyetu hivi.
Durudu:  Basi sawa Maalim acha mimi
                nigeuze hivi.
Maalim:  Inshaallh.

“Ni mazingira ya nyumbani kwa Maalim. Maalim anaonekana yuko kitandani akiwa analia tu kwa pembeni anaonekana mdogo wake akiwa amesimama hapo akimsikiliza kaka yake anavyolalamika. Kitanda alicholalia ni kitanda cha kamba ambacho ni cha tandika tukaze huku akiwa amejifunika shuka la kiarusha. Ndani hapo panaonekana kuna kibatari tu kimewaka kinatoa moshi kwelikweli kama vile gari moshi. Haruna anamwambia Maalim hivi”
Haruna:    Hivi kaka embu niambie ni
                   ugonjwa gani huwa
                   unanisumbua?  Kwasababu
                   wewe  naona kama unanificha
                   hivi kwa vile mimi ni mdogo. Ila
                   tu kumbuka hata kama mimi
                 ni mdogo vipi mimi ndiye
                   ninayekuhudumia kila siku
                  halafu unataka kunificha, haya
                 leo hii imefikia mahali unahemea
                 juu juu tu hata sielewi nianzie
                 wapi. Embu  nakuomba kaka
                usinifiche.
Maalim:  “Akiwa anaongea huku anaonesha                 kabisa sauti yake haimfikishi
                mahali popote” mdogo  wangu hii
                hadithi ni ndefu sana.
Haruna:    Hapana kaka najua kweli hadithi
                ni ndefu ila unaweza kuongea hata
                kwa kufupisha tu ila nijue ni
                namna gani ya mimi kuelewa.
Maalimu: Haruna hii dunia iko duara.
               Kwahiyo ni mzunguko yaani kuna
               vitu vingi sana   utakutana navyo
               wakati wa mzunguko wako ila ni
               wewe tu kuamua kuvikwepa au la.
Haruna:    Mbona kama bado wanificha
               kaka embu ingia kwenye mada
               husika kaka. Huoni na    hata hii
              sauti yako haiwezi kukufikisha
             mahali!...Wewe unataka treni iishe
             mafuta  msituni na msafara bado
             kilometa mia?!. Embu jieleze kaka
             nijue zaidi. Usizunguke  mbuyu
             sana. Kwasababu naona kama
             unajing’atanga’ata sana Kaka.
Maalim:  Unajua mdogo wangu hii kazi
              yangu niliyokuwa nikiifanya ndiyo
               iliyonifikisha hadi   mimi kuwa
               hivi!!!...Haruna ni kwamba kwanza
               mimi nina huo ugonjwa wa
               UKIMWI.
Haruna:    UKIMWI kabisa kaka? Mbona
               ulikuwa unanificha, kwanini?
Maalim:    Ndiyo Haru… Haruna siyo muda
               wa kulalamika huu.
Haruna:    Sasa mbona muda mrefu sana
               ulikuwa ukinificha sana . Haya
               uliupataje kaka  huo UKIMWI?
Maalim:    Mdogo wangu nimeupata kijinga
               sana huu ugonjwa. Yaani ni
               kwasababu ya matamanio tu ya
               wasichana. Haruna yaani hakuna
               msichana mzuri aliyepita machoni
              mwangu nikamtamani halafu
              nikamuacha salama kabisa. Pia hii
              kuparalaizi unayoiona hapa kwa
                 huu upande wa kushoto ni hayo
              hayo mambo ndiyo yamenifanya
              hivi. “kimya kwa   sekunde chache
             kisha akaendelea kuongea” kuna
             shekhe nilimtumia talasimu….
                nilikuwa namjaribu kama
             nitamuweza kumbe yuko ngangari
             lile kombora likanirudia  mimi na
             mwisho wa siku ndiyo maana
             waniona hapa upande huu wa
             kushoto wote umeparalaizi kabisa.
Haruna:   Kaka yangu pole sana ila ndiyo
              hivyo mipango ya Mungu tu.
Maalim:  Niseme tu mdogo wangu hii kazi
              niliyokuwa nikiifanya usije hata
              siku moja ukasikia  kuna mahali
             wanafundisha halafu na wewe
             ukaende kusomea haifai kabisa hii.
             Yaani kumbuka sisi wanadamu
             tumeumbwa na tamaa. Mwisiho wa
             siku ukishasomea tu hii   kumvuta
             nyota msichana yeyote na kufanya
             lolote lile ni uamuzi wako tu. Haya
            mambo achana nayo kabisa kaa nayo
            mbali…
Haruna:  Pole sana kaka. “kanyamaza pale
             na baada ya dakika chache tayari
             Maalim anaaga  dunia. Mdogo wake
             muda huu akawa
             amechanganyikiwa kwelikweli.
             Ikabidi atoke kwenda nje na kuanza
             kuwaita majirani”.
(Ni kijiweni wamekaa Pajero na Durudu kwa pembeni pia kuna vijana wengine wakiwa wanacheza bao hapo pamoja na wazee. Ndiyo maeneo yao mazuri ya kuja kupumzika baada ya kupata chakula cha mchana. Hapo basi kukawa na soga kati ya Durudu na Pajero. Sehemu waliyokaa ni kwenye kivuli  cha mti uliokuwa umetandaza kivuli kizuri sana katika eneo hilo na maeneo mengine kukiwa na jua kali limewaka. Pajero anaonekana amevaa suruali ya jinsi ya bluu yenye kupauka tu hivi na shati jeusi likiwa limepauka sana akiwa amevaa yebo. Durudu kavaa shati la mikono mirefu la rangi nyeupe la kitambaa lakini limechanika begani na suruali ya kitambaa na chini kavaa katambuga)
Durudu:   Daaa eeeh bwana Pajero ndiyo
               hivyo mtaalamu wetu ameaga
              dunia.
Pajero:     Daaa kwa kweli hili jambo
                limenishtua sana unajua.
Durudu:    Yaani nilikuwa bado na uhitaji
                naye sana. Kwasababu kuna
                mavitu mengi sana nilitaka
                nimtumie.
Pajero:      Ila ndiyo hivyo mipango ya
                Mungu haina makosa.
Durudu:     Ni kweli ila ndiyo hivyo. Yaani
                  kuna kesi fulani hivi ya shamba
                  ndiyo nilitaka nimtumie ili
                 nishinde hiyo kesi sema ndiyo
               hivyo sina namna.
Pajero:       Nasikia pia UKIMWI ndiyo
              umemchukua haraka hivi!
Durudu:     Inaweza ikawa ni kweli. Kwa
              sababu na yule Maalim naye kwa
             kurukia visichana na wamama wa
             watu alikuwa hajambo.
Pajero:      Ila ndiyo hivyo huyu ashakuwa
               marehemu kwahiyo wala hata
               tusimkalie kikao kabisa kwa sasa.
               Yeye Mungu ndiye atajua nini cha
               kumfanya.
Durudu:    Duuu ni kweli ila kwasasa
               kuwapata wasichana itakuwa ni
              ngumu sana labda tupate  fununu
              za mtu mwingine ambaye
             hujishughulisha na haya mambo. Ila
            kama yeye amefariki kwa huo
            ugonjwa sijui sisi tutafariki kwa
            ugonjwa gani. Gonjwa linatisha hili
            na sisi ndiyo watu wenyewe wala
            hatutumii mipira tunajifanya
             uwanjani tuko vizuri tunacheza
            pekupeku tu hapa mwisho wa siku
            ndiyo hivyo tunakuja kuchomwa na
            mbigiri. Matokeo yake  ndiyo hivyo
           kuhudhuria hospitali kutaanza kama
           vile mama mjamzito. Oya tuwe
           makini kijiji cha mkurumuzi
           kimeshawaka moto.



******************************************


                             ONESHO LA NNE.

( Jukwaani, nyuma  ya jukwaa anaonekana  Durudu na Daktari. Daktaria amevaa koti lake jeupe akiwa amekaa kwenye kiti huku akiwa amevaa miwani na nywele zake zikiwa ndefu kidogo na ukutani panaonekana kuna kalenda imebandikwa ya 2011. Durudu yuko hapo amekaa kwenye kiti akiwa amevaa suruali ya jinsi na shati jeupe. Basi kulikuwa na mahojiano kati ya Daktari na Durudu kuhusu vipimo alivyofanya vya UKIMWI).
Daktari:    Aaaa kijana… umesema unaitwa
                   Durudu?
Durudu:     Ndiyo dokta.
Daktari:     Ahaa… sawa. Unajua Durudu ni
                vijana wachache sana katika kijiji
                 hiki ambao wanaamua kweli kuja
                 kuangalia afya zao kama wewe
                 hivi ulivyokuja mwenyewe
                 asubuhi na mapema.
Durudu:   Kweli dokta…!!!!
Daktari:   Hutoamini leo hii ni tarehe ya
                  20/01/2011 tangu mwaka uanze
                  hamna hata mtu mmoja
                  aliyejitokeza kuja kupima afya
                  hapa. Si vijana wala si watu wa
                 aina gani. Na ukumbuke  watu,
                 mwaka mpya wamefurahia sana
                 hapo Kikore usiku kucha. Watu
                 wanajamiiana tu bila hata
                  kutumia kondomu. Yaani
                  nikupe hongera tu kwa kuja
                 kupima.  Kwahiyo kwa muda huu
                 unaosubiria  majibu yako hapa ni
                 bora nikupe somo kidogo.
                 Kwasababu haya mambo ni
                mambo ambayo yako tu sana.
Durudu:  Ila lakini dokta ndiyo hivyo kweli
                 unakuta mtu anatambua kabisa
                 kwamba ana   UKIMWI lakini
                anaogopa hata kuja kuchukua
                dawa.  Kwahiyo nayo
                changamoto kubwa sana hii.
Daktari:  Unajua Durudu kuna watu
                 wanasumbuliwa na magonjwa
                 makubwa sana kama  vile  kansa
                 na kadhalika katika dunia hii na
                 hadi kuna muda mwingine
                wanamuomba Mungu kwa kusema
                kwamba ni bora hata mungu
                angewapatia  hata huo UKIMWI tu.                 Kwahiyo ukisema uoga yaani hiyo
                ni dhana potofu kabisa unajua.
                Inabidi iondolewe akilini
Durudu:  Kwahiyo dokta unaniambia ni
                 bora kujua afya yako mapema.
Daktari:  Ni sawa ila si kujua tu afya yako
                 mapema tu. Bali pia ukishajua
                 mambo  yameenda vibaya ni
                 vyema mapema ukaanza kutumia
                dawa za kukufanya hata  kuweza
                kupunguza makali yake.
Durudu:  Ahaa hapo umenifungua sana
                 akili.
Daktari:   Tatizo kubwa katika hiki kijiji cha
                 mkurumuzi ni kwamba watu
                 wanajua kwamba mtu ukishapata
                 tu UKIMWI tayari wewe kufa
                kwako kuko karibu   Lahasha…
                siku zote kama tatizo hujalitafutia
               suluhisho lazima tu tatizo lile
               likumalize. Mbona kuna baadhi ya
              watu huwa wanakuja kuchukua
              dawa hivi hapa kwa kila siku zao
              walizoandikiwa na ndiyo wanaishi
              vizuri tu na miili yao ukiiangalia
              hutoamini kama ukiambiwa huyu
                ana UKIMWI.
Durudu:  Kwahiyo unataka kuniambia
                 kwamba kuna wasichana huwa
                 wanakuja kuchukua dawa   hapa
                 hizo za kutuliza makali?
Daktari:  Ndiyo. Huwa wanakuja hapa
                 wanachukua na miili yao naiona
                 inanawiri tu kila siku. Ninawajua
                 kabisa tena na huko huko kwenu
                 ulikonieleza unaishi. Kuna mdada
                 rangi ya majani kunde hivi mrefu
                 wa size ya kati hivi anasema
                 alikuwa akiishi mjini huko.
Durudu:  “ Akawa ameshamtambua ni nani
                    anaongelewa. Akaongea
                    kimoyomoyo akisema hivi” Huyo
                   ni Safi wala si mwingine. “ kisha
                   akamwambia daktari hivi” Hapo
                   nimekuelewa.
Daktari: Unajua usiwe na uoga kwa kitu
                 ambacho kama ni kutokea
                 kikiamua kutokea  kinaweza tu
                 kutokea.  Kwahiyo wewe hapo
                 hata kama ukikutwa una huo
                UKIMWI si jambo la kukufanya
                wewe kujinyonga. Hiyo itakuwa ni
                siri yako na wewe utakuwa
                unakuja kuchukua dawa tu hapa
                na siku zinaenda. Usifanye maisha
                yako kuwa magumu. ( kwa nje
                kunasikika kuna sauti ya
                muhudumu inaita majina ya watu
                kuja kuchukua vipimo vyao. Jina la
               Durudu linasikika anatoka nje kwa
               kwafungua mlango kwa haraka na
                kusema hivi)
Durudu:  Kama ni Durudu niko hapa.
Muhudumu:    Ahaaa …. Kumbe ndiyo
                       wewe chukua karatasi yako hii
                       hapa.
Durudu:       “ Anapokea karatasi yake ya
                       majibu na kuangalia ikiwa
                       imeandikwa  Positive lakini
                       haelewi inamaanisha nini.
                       Anaamua kuingia kwa daktari
                        akiwa na karatasi   yake ya
                       majibu na kumpa daktari
                       karatasi ile”. Daktari  embu
                       sijaelewa vizuri  inamanisha
                       nini hii kama umeandikiwa
                       Positive?
Daktari:          Yaani kwanza huyu
                       muhudumu amefanya vibaya
                       sana kwa kugawa karatasi
                       kiholela holela tu. Mjinga kweli                    huyu tulia nitaongea nae baadae.
Durudu:          Sawa dokta… ila wewe
                niambie hii inamaanisha nini?
Daktari: Unajua Durudu kama
               nilivyoongea na wewe tangu
               mwanzo na nikakwambia kwamba
               hata kama hautakutwa na UKIMWI
               wewe hiyo  itakuwa ni siri yako tu.
               Si   kwamba ndiyo unatoka hapo
               nje na kuanza  kutangaza huko.
               Hapana si vyema, natumai
               umenielwa vizuri?.
Durudu:  nimekuelewa dokta.
Daktari:   pia kinyume chake yaani kama
               umegundulika unao ni vyema iwe
               siri yako.  Kwa  ujumla ni mimi na
               wewe ndiyo tunajua tu.
Durudu:sawa dokta… kwahiyo majibu
               yangu vipi?
Daktari: Aaaaa…. Durudu kwa ujumla…
                umeathirika.
Durudu:   (kwa sekunde kama tano akiwa
                 kimya) nimeathirika…!!!!
Daktari:  Ndiyo Durudu… cha msingi tu
                 umenielewa tangu mwanzoni.
                 Kwahiyo wala usiwaze   sana.
                 Nitakuandikia dawa tu hapa na
                 pia siku ambazo  utakazokuwa
                unakuja      kuchukua. Usije
                ukakata tamaa kabisa katika kuja
                kuchukua dawa.
Durudu:       Sawa dokta.
Daktari:       Sasa hii karatasi ichukue na
                itunze vizuri kama nilivyokuambia
                ni siri yako. Pia  chukua hizi dawa
                kazihifadhi sehemu nzuri na
                uzitumie kama  nilivyokuandikia
                hapo.
Durudu:  “ Anapokea dawa na kuinuka
                 huku akimshukuru daktari. Tayari                  anatoka nje huku akiwa
                 anawasalimia wagonjwa walioko
                 katika foleni. Hapo anakutana
                 na bango limeandikwa kwa
                 maandishi ya rangi nyekundu
                 yakisomeka hivi”.

KONDOMU KINGA MADHUBUTI. TUMIA MARA KWA MARA KAMA KWELI UNAMPENDA MWENZA WAKO. TUMIA KWA MAKINI ILI UEPUKE KUUPATA UKIMWI NA HATA MIMBA ZISIZOKUWA NA MATARAJIO.

                “ Anaondoka na kusema hivi” kweli hii ndiyo raha ya kuja hospitali sema ndiyo hivyo   nimekumbuka shuka kumekucha. Mbu wamening’ata hadi basi.

(Ni jioni kwa jua la saa kumi hivi. Pajero amekuja kumtembelea Durudu na kumkuta Durudu akiwa amekaa nje kwenye kigoda huku akiwa anasikiliza redio. Pajero naye anakaa kwenye kigoda. Nguo alizovaa ni shati la mikono mirefu na suruali nyeusi ya jinsi. Pajero amevaa kanzu nyeupe na kofia nyeupe na miguuni amevaa ndala za batabata).
Durudu:   Ahaaa kijana umekuja
                 kunitembelea leo…
Pajero:    Aaa nikasema embu tulia kwanza
                 nikamtembelee jamaa yangu…
                 kwasababu tangia  uoe hata
                 sijawahi kuja tena hapa. Kwahiyo
                 nikasema isiwe mbaya sana acha
                 leo niirushe miguu yangu hapo
                 kwa rafiki yangu na bahati
                 nimekukuta.
Durudu:   Ahaaa sawa bana kijana. Karibu
                 sana si unajua tena kwa sasa hii ni
                 kaya. Unajua Pajero maamuzi ya
                 kuoa kwakweli niliyafikiria sana.
                 Nikasema hapa unaweza hata  
                 ukafa   kesho hujaacha hata
                 mbegu yako hapa duniani    
                 Kwahiyo nikaona ni bora tu nioe.
Pajero:     Ni kweli.
Durudu:   Wewe ndiyo tayari Sofi umeamua
                   kumshikilia moja kwa moja.
Pajero:     Ndiyo hivyo ilibidi tu ipigwe tu
                  ndoa ya mkeka tu hapa na ndiyo
                  tayari mke  wangu hivi   na tayari
                  kwasasa nishamuweka mimba.
Durudu:   Hujataka kuchelewa kabisa!
Pajero:     Nani achelewe. Hizi siyo karne za
                  kina Ibrahim wewe kuzaa mtoto
                  ukiwa na  miaka karibia na mia
                  huko. Siyo karne hii yaani
                  mapema tu.
Durudu:  Ni kheri kufanya hivyo. Unajua
                 pia Pajero hapa kijijini kuna huu
                 ugonjwa yaani   nakwambia
                 unasambaa kwelikweli kama
                 kuharisha ukiwa safarini.
Pajero:     Upi?
Durudu:   UKIMWI…
Pajero:      Duuuu yaani afadhali Durudu
                  umeanzisha hiyo mada.
                  Kwasababu nakumbuka siku ile
                  ya kwanza tu Sofi alivyokuja
                kulala kwangu nakwambia
                 asubuhi yake Sofi si  alirudi
              nyumbani kwa Rojo na kumwambia
              kwamba  alikuwa kwangu. Kwahiyo
              jamaa asubuhi asubuhi katimba
              kwa muhuni.
Durudu:   Kijana ikawaje? Kwasababu
               hujawahi kuniambia kabisa hilo.
Pajero:  Nakwambia kuna maneno ya
               mwisho aliniambia yaani hadi
               nikawa nimebaki  nimeduwaa tu
               sielewi hata niongeee nini hasa.
Durudu:     Alikuambiaje?
Pajero:        Kwamba ameshapata kijana
               mwingine mwenye UKIMWI hapa
               kijijini  mkurumuzi.
Durudu:      Hiyo nayo si ya utani Pajero.
                Kwahiyo alikuwa anamaanisha
                ameshamuambukiza Sofi na Sofi
                atakuwa amekuambukiza wewe au                 sio?
Pajero:        Inaweza ikawa…
Durudu:      tusiandikie mate kwanza
               ulishawahi kwenda kupima?
Pajero:    Yaani kwenda kupima hospitali
               kabisa?....
Durudu:  Ndiyo kwani watu huwa
               wanapima wapi Pajero? Huu
               ugonjwa hauangaliwi  kwa  macho
               tu hivi. Wewe nenda kapime tu
               ujue nini haswaa Hatima Yake.
               Kwasababu kila mtu afanyapo
               jambo fulani Hatima Yake hutokea
               baada ya   kufanya jambo hilo.
               Hiyo hatima inaweza kuwa nzuri
               au laa. Kwahiyo ni  vyema kujua
               afya yako. Tena ikiwezekana
               muende wote na huyo mke wako.
               Kwasababu inawezekana yeye
               huyo Sofi akawa anao lakini wewe
               huna.  Kwahiyo nendeni tu
               mkahakikishe.
Pajero:        Atakubali kweli.
Durudu:      Hapana usiwe  na mawazo
               hayo. Wewe jaribu kuwa na
               maneno ya ushawishi tu mwisho
               wake anaweza kukubali tu.
Pajero:  Haya bana nitaenda kumjaribu na
               ndipo nitajua Hatima Yake. Embu
               nambie kwanza shemu vipi
               anaendeleaje?. Kwasababu hata
               sikumjulia hali.
Durudu:Yuko vizuri kwasasa naye ni mama
                kijacho unajua...
Pajero:   Duuuu ulimuoa tayari
                umeshamuweka nini?
Durudu: Ndiyo hivyo utawashaje kibatari
                kabla hujaweka mafuta wewe.
Pajero:   “ Anacheka na kusema” haya bana
                Durudu umenishinda.
Durudu: Ndivyo inavyotakiwa.
Pajero:   Haya bana. Basi acha mimi nifanye                 kurudi hapo nyumbani kwanza.
                Kwasababu nilikuwa na mpango
                wa kwenda mashineni hapo
                Kikore.
Durudu: Haina shida ndiyo majukumu
                hayo Pajero.
Pajero:   Haya bana. Shemeji akija wewe
                msalimie tu. Asije akasema
                nimemsusa sana. Kwasababu
                Madeva naye ana vituko sana.                        “ anainuka na kumpa mkono
                Durudu huku   msafara ukianza”.
Durudu:  Kwa hilo ondoa shaka.

 (Ni Mwaka mmoja na miezi kadhaa  tayari umepita. Kitandani anaonekana mke wake Durudu ambaye ni Madeva akiwa amelala kifudifudi. Ni usiku panaonekana taa ya nguvu za jua imewaka hapo ikiwa imewekwa kwenye ndoo ya maji. Mwili wake unaonekana umeisha kwelikweli ikiwa inaashiria afya yake ina mgogoro kabisa. Kwa pembeni hapa Durudu yuko hapo yuko kajifunika shuka kwa juu tu huku akiwa amempakata mwanaye wa miezi kadhaa tu aitwaye Ijojo pia na mdogo wake Durudu  aitwaye Ilali mwenye kama umri wa miaka kumi na saba ambaye naye huwa anaishi hapo hapo nyumbani kwa Durudu. Ilali akiwa amesimama. Madeva analalamika kuhusu afya yake)
Madeva:    Baba Ijojo yaani hali yangu hapa
               ni mbaya sana kwakweli sijui kama
               asubuhi nitaiona.
Durudu:    mke wangu wala usizungumze
                hivyo. Sasa usiku huu unafikiri
                tutaanzaje hata hiyo  safari ya
                kusema upelekwe hadi Galapo.
                Pikipiki yenyewe tu ndiyo hiyo
               sijui elfu tano   kwanza ni shida
               kuipata na usiku huu lazima
               atupige bei ya juu.
Madeva:   Ni sawa Baba Ijojo ila tu ujue….
                Hali yangu ndiyo hiyo haifai. Si
                bora hata  tungeenda huu usiku
                hata hapo hospitali tu…. Hapo hata
                na baiskeli tunaweza  kwenda
                huyu Ilali hapa akabaki na mtoto
                hapa.
Durudu:   Ni sawa mke wangu. Ila ndiyo
                hivyo huu ni usiku sana. Na
                isitoshe pia hela yenyewe ndiyo
                hivyo. Tukifika pale lazima
                atatupiga bei ya juu sana na hela
                mimi sina kabisa hapa. Ni bora
                pakuche ndipo tukajua nini
               Hatima Yake.
Madeva:  Haya… umenishinda kwa maneno                 na siyo kwa hoja. Sina la kuongea
                kabisa …  acha mimi nife pole pole
                huku najionea tu.
Ilali:      Kweli kaka kama mambo
               yameshindikana na hali hii ya
               shemeji unavyoiona   hapa  itabidi.                asubuhi uumize sana kichwa ili
               shemeji afikishwe hospitali. La
              sivyo hapa…   nahisi dalili hii
             umejionea mwenyewe na unajua
             Hatima yake.
Durudu:   Nimekuelewa mdogo wangu.
               Pakikucha tu lazima nitafanya
               hivyo sina namna  hapa. Itabidi tu
               huyu kesho apelekwe hospitali.

“ Ni nyumbani kwa Durudu wote wakiwa wamekaa kwenye mkeka Durudu akiwa amekaa na mwanaye ambaye ni Ijojo tayari ameshakuwa na umri miaka sita. Durudu amevaa suruali nyeusi ya kitambaa na shati jeupe la mikono mirefu. Ilali ni muongeaji kama baba yake weupe wake kama mama yake. Ilali amevaa kanzu nyeusi na kofia nyeusi. Pia Ilali yupo hapo pembeni ameshakuwa ni mkubwa tu. Ambapo ni mishale ya saa kumi jioni”.

Durudu:   Unajua Ilali ni muda kama wa
                 miaka mitano tangu afariki mke
                 waangu, Mama Ijojo ambapo
                 kwako ni shemeji yako. Natumai
                 hilo unalitambua.
Ilali:         Ndiyo nalitambua sana kaka.
Durudu:   Aaa jambo la msingi hapa si
               kwamba nataka kukukumbusheeni
               machungu…  lahasha...
Ilali:         Nakuelewa kaka.
Durudu:    Aaaa lengo kubwa ni kuhusu
                tangu mwanzoni nilikuwa
                nakwambia kwamba mwanangu
                akija kufika umri wa kujielewa
                hivi itanibidi nikuachieni nyumba
                hii na mimi niende Arusha
                kutafuta maisha. Kwasababu
                unajua sisi ndiyo  tumebaki hapa
               kama familia. Ndiyo hivyo mama
                na baba yetu wamefariki zamani
               sana.  Sasa jambo hilo lisitufanye
               kukata tama katika kutaka
               kuyajenga maisha yetu. Najua
               kwasasa umeshakuwa na akili za
               kujua hili ni baya na hili  zuri.
Ilali:        Nimeshakuelewa kaka.
Durudu:  Kwahiyo mimi ninachokuomba ni
                wewe kuwa makini tu na watoto
                wa hapa  mtaani. Yaani si vijana
                wa kike wala kina nani. Wewe ishi
                kama wewe na haya  mashamba
                hapa nyumbani usije ukayauza
                kabisa. Haya mashamba mdogo
                wangu ukiyauza tayari hata hii
               kaya tayari itakuwa imeshavunjika.                 Kwahiyo nakuomba sana usije
                ukaniangusha. Hapa Mkurumuzi
                kuna ugonjwa huu wanauitwa
                ugonjwa wa kisasa ambao ni
             UKIMWI ogopa sana hiki kitu. kuwa
               makini sana na visichana vya hapa
               kijijini, najua    umeshakuwa nani
               wakati wa wewe mwili wako kuwa
               wa moto ila cha msingi tumia kinga                usifurahie kusema  tu haina ladha.
Ilali:       Sawa kaka siwezi kuuza kabisa.
Durudu:   Pia huyu Ijojo nataka aendelee
                kwenda shule. Asubuhi ukiamka
                mwambie  ajiandae na  kwenda
                shule. Najua hapa nyumbani na
                shule ya msingi Kikore  siyo mbali
               kabisa.  Kwahiyo nakuomba tu
              usije ukanifanyia makidamakida tu
                mdogo wangu. Mimi nakuaminia
               wewe ndiyo mdogo wangu wa
               kiume wa  nguvu. Nakutegemea
               katika Nyanja nyingi sana. Huko
               mjini mimi maisha yakishakaa
               vizuri nitakuja kuwachukueni   ili
              niende nanyi Arusha.
Ilali:        Sawa kaka. Ila sasa huko unaenda
                kukaa kwa nani?
Durudu:  Naenda kukaa kwa rafiki yangu
                utu nilisomaga nae kipindi hicho.
                Yeye aliondoka hapa kijijini
                kitambo sana. Kama miaka mitano
                ilikuwa imepita kabla  sijaoa.
Ilali:        Haina shida kaka mimi nakutakia
                maandalizi mema tu.
Durudu:   Shukurani Ilali. Unasikia Ijojo
                uende shule eee…
Ijojo:        Sawa baba.
Durudu:  Haya basi embu nendeni hapo
                 matindigani mkalete mboga mbili
                 tatu hivi tufanye usiku kuwa
                 mzuri.
 “Ilali na Ijojo wanainuka na kuelekea huko walikotumwa. Durudu anabaki  peke yake huku akiwa anaogelea katika bahari ya mawazo. Anaongea kimoyo moyo   akiwa anasema hivi”.

Daaa hiki kijiji embu kwanza nikikimbie kwa sababu ya  watu
 wanakufa kila kukicha na huu UKIMWI. Duuuu Safi aliyeniambukiza huu ugonjwa naye amefariki, huyo Pajero na mke wake pia wamefariki kwa huu huu ugonjwa, Rojo  naye kafariki muda tu kwa huu UKIMWI. Nimebaki mimi tu kabisa hivi Mungu   hanioni  kabisa. Maalim ndiyo Yule alifariki kitambo tu naye yaani karibia marafiki zangu wamekufa. Angalia visichana vingi ambavyo nimepita navyo nao wamekufa  kwelikweli. Hivi  mimi kifo changu kitakuwaje?  Kweli Mungu ndiyo anajua hatima yangu. Ama kweli haya ni Mapenzi Kaburini   yaani kila niliyefanya naye mapenzi bila kutumia mpira yuko kaburini kwa sasa. Ooooh… Mungu zilaze roho hizo mahali  upapendako kwa sababu mimi siwezi kukuchagulia. Na mimi utaamua utakavyoamu nini cha kunifanyia. Kwa sababu  nashangaa shetani ndiye anabakizwa. Ooooh  jamani  uliyefikiria kusema mapenzi Kaburini hongera sana. Kwa sababu nilitamani sana kujua  ni namna gani watu wanafanya mapenzi huko Kaburini kumbe ndiyo  hivyo watu wanavyoenda kaburini kwa hayo mapenzi. Jamani ndugu zangu hata  kama hamnisikii  nakwambieni tu kuweni makini. Duu embu nijishughulishe na mambo mengine tu hapa haya mawazo yatanifanya nianze   kukonda tena  hapa…


ONESHO LA TANO
(Mandhari ya nje ya soko la kilombero. Durudu amevaa boshori, shati la mikono mirefu na suruali nyeusi ya jinsi. Ameweka matunda yake kwenye meza iliyoegeshwa tu miti. Matuda yakiwa ni mapapai, matikiti, mananasi, na maembe na matunda mengi mengineyo. Anaongea na mteja ambaye ni wa jinsia ya kike. Mteja amevaa dera na kujifunga kishekhati. Durudu anamwambia hivi)
Durudu:  Karibu dada matunda bei rahisi tu
                 ni kama bure kabisa rafiki jina
                 nani vile?.  Kwasababu huwa
                 unakuja hapa ila sijawahi
                 kukuuliza jina lako wakati wewe
                 ni mteja wangu sana.
Mteja:     “ anamjibu huku akitabasamu”
                 Wewe niite mteja tu.
Durudu:   Haya bana mteja. “anatabasamu”
Mteja:       Kweli mimi mteja wako. Kwahiyo
                  niite tu hivyo.
Durudu:    Ahaaa Mteja wangu unataka nini
                   na nini mteja nikufungue?
Mteja:        Leo nataka maembe ya elfu
                   mbili, matikiti mawili, matango
                   manne, na nanasi moja.
Durudu:    Vipi nikuwekee maembe ya juice
                    au ya nini?
Mteja:        Hapana. Fanya mchanganyiko tu
                   ila sitaki yaliyoiva sana.
Durudu:    Ahaa sawa. Hapo sawa.                                      “ anachagua matunda
                    aliyoelekezwa na kumfungia
                  kwenye   mfuko mweusi.  mteja
                  anampatia fedha ya matunda yale
                  na Durudu anamrudishia  chenji
                  na mteja wake anasema hivi”.
Mteja:         Asante sana.
Durudu:    Na mimi nikushuru sana kwa
                   kuniungisha mzigo wote huu.
                   Karibu sana. Kweli
                   Mtejani ni Mfalme.
Mteja:        Ahsante… “ huku akitabasamu”
                  Kwaheri.
“ Mteja anaondoka huku Durudu akiwa anaongea pekee yake kimoyomoyo akisema hivi”. Afadhali huyu mtoto leo hata katia Baraka tena hapa. Kwa sababu hii ni kama awamu ya tatu anakuja hapa. Ila mteja mzuri kwelikweli. Kama vile ananivutia.sss
“ Mandhari ni ya nyumbani wanapoishi Durudu na huyo jamaa yake ambaye anaitwa Kijukuu. Wamepangisha chumba kimoja huko majengo. Wamekaa nje na maongezi kidogo yakiwa yamewatawala. Huyo kijukuu kavaa kisuruali kimembana kwelikweli na boshori lake la rangi ya bluu na kavalia na sweta juu. Durudu naye amevaa jinsi na tisheti nyeusi. Jua limewaka ni kivulini wamekaa ”.
Kijukuu:       Oya chalii yangu eeee naona
                 kama vile unapaogopa ogopa sana
                 hapa mageto. Sijui kama vile
                 hujapazoea au vipi?
Durudu:  Kwanini Kijukuu?
Kijukuu:  Naona unaishia na mademu huko
                  mbali tu. Kama unataka kupiga
                  demu  kuwa huru   wewe
                  unaniambia tu tayari mimi
                  nakuachia nanja najua kabisa
                     chalii anapiga kitu.
Durudu:      Haina shida unajua kuku mgeni                   hakosi kamba mguuni. Kwahiyo
                  wala usihofu.
Kijukuu:     Hamna imenibidi tu nikuambie
                   mapema ili usije ukaanza
                   kuogopa na kuanza
                   kuwapeleka mademu huko guest
                   na unamaliza hela bure wakati
                   geto la muhuni ambalo kwasasa
                   ni la wahuni liko hapa.
Durudu:   Hamna noma.
Kijukuu:     Kwahiyo embu hiyo kamba
                   iondoe mguuni mapema sana.
                   Hapa mjini usikae kiwakiwaki tu
                   chalii yangu. Watoto wazuri
                   wanakuja kila siku kununua
                   matunda  halafu unabaki kuumia
                   tu wakati uwezekano upo kabisa.
                   Wewe ukiona tu vipi
                   umeshajinyakulia huko tayari
                   wewe nijulishe tu ili nisije
                   nikaingilia mechi yako   hapa.
Durudu:        Hamna noma.
Kijukuu:  Siku za jumapili ndiyo huwa hapa                   hawa wapangaji wenzangu huwa
                  wanakuweko sana hapa      
                   nyumbani ila ndiyo hivyo ukileta
                   demu wako unawawekea
                   wambuzi tu.  Hakuna   kucheka
                  na kima hapa. Una demu wako
                  umewakuta hapa ni salamu ndani                   inatosha.
Durudu:       Hapo nimekupata Kijukuu.
Kijukuu:  Hamna noma bablai mbona
                  wananimanya sana
                  hapa.Wanamjua kabisa
                 Kijukuu ni   nani.
“ Ni mazingira ya ndani wanapoishi Kijukuu na Durudu. Durudu anaonekana yuko na msichana aitwae Mwatabu. Wako kitandani wamejifunika shuka hapo wanaonekana wameshamaliza shughuli. Mwatabu kwa sura tu amejaaliwa, mdomo uliokaa vizuri kwa ajili ya kazi maalum ya tukio lililotokea kwa muda si mrefu  kati ya Durudu na Mwatabu”.
Durudu:        Sasa Mwatabu tutakuwa
                  tunatumia kondomu hadi lini
                  hivi?
Mwatabu:     Hadi tukapime kwanza ndiyo
                   hapo nitaprove.
Durudu:  Unajua ni kama haina ladha
                  kabisa.
Mwatabu:     Wewe ndiyo unafanya isiwe
                   na ladha kabisa.
Durudu:   Kwanini?
Mwatabu:  Kwani tungepima tukajua afya
                   zetu mbona hata hiyo ladha
                   ungeipata vizuri   tu.
Durudu:     Ila Mwatabu kwa kweli wewe
                   tambua tu mimi sina malengo ya
                   kukuchezea tu  mimi nataka
                   nikuoe kabisa.
Mwatabu:  Mimi mwenyewe na malengo na
                   wewe kwamba niolewe na wewe.                    Wewe  ukafikiri mimi siyatamani                    mambo uliyonipa hapa muda si
                   mrefu? Nayatamani sana Ila
                   kama  ndiyo hivyo hutaki kupima                    tutaishije hapo? Mimi siwezi
                   kuishi na mwanaume ambaye
                   sijapima nae kabisa hivi
                   nikahakikisha.  Kwasasa Durudu
                   kuna  magonjwa mengi tu, kuna
                   huu UKIMWI ambao watu
                   wanaondoka kama vile vivuli
                   bila hata kujijua. Kweli  mimi
                   niko tayari kuolewa na wewe ila
                   kama tu  ukikubali tukapime.
Durudu:   Haya haina shida. Tulia
                   nitakujulisha.
Mwatabu:     Mimi tayari muda wowote tu.
Durudu:       Haya. “ wanainuka pale na kila
                   mtu anavaa nguo na tayari
                   wanatoka nje na wanaagana
                   tayari Mwatabu anaondoka na
                   kumuacha Durudu akiwa
                   amesimama  tu kama msitimu
                   usiounganishwa nyaya.kisha
                   Durudu akawa anaongea pekee
                   yake  akisema hivi” Yaani hawa
                   watoto wa mjini sijui wakoje.
                   Huyu Mwatabu sijui amejua
                   mimi nina UKIMWI ndiyo maana
                   ameng’ang’ania kwelikweli.
                   Huyu mjinga kweli, mimi cha
                   msingi nimeshamlamba basi
                   apite hivi. Wangapi hapa mtaani
                   nimewalamba kavu tu. Kwanza
                   tangu nizaliwe leo ndiyo
                   nimetumia  kondomu. Yaani
                   utafikiri  msumeno siwezi
                   kufanya upumbavu huu.
                   Ingekuwa kisu  kinachinja na
                   hala yake hapo sawa. Sifanyi huo
                   ujinga. Nimeshawapitia wengi tu
                  kavu na nitaendelea kuwapita
                   kavu. Ila mtamu
                  kwelikweli kama sura yake ilivyo.

“ Ni muda wa miaka miwili na miezi kadhaa. Durudu ameshaanza kuishi pekee yake. Biashara zinaenda vizuri sana. Alipopangisha ni sehemu yenye vyumba viwili maeneo ya hapo hapo majengo ya chini. Lakini muda huo anaonekana yuko chumbani kwake na msichana hapo wakiwa tayari wameshapeana utamu. Kitandani wakiwa wamejifunika shuka. Durudu anamwambia huyo mwanadada hivi”
Durudu:  Daaaa unajua Doli wewe mtamu
                 sana. Daaa kweli Mungu
                 amekujaalia kabisa.
Doli:         Wala mbona kawaida tu.
Durudu:   Kweli. Daaa kweli Tanga
                  mmejaaliwa na ndiyo maana
                  wakasema ndiko yalikozaliwa
                  huko. Siwezi kupinga kwa
                  nilichokiona leo.
Doli:         Wewe nisifie tu halafu uje
                  kuniacha hapa. Kwa sababu nyiye                   wanaume bana sijui mkoje?
Durudu:    Hapana Doli mimi siwezi
                  kukuacha kabisa. Mimi na wewe
                  namuomba Mungu tudumu
                  milele. Mimi matarajio yangu ni
                  kukuoa kabisa.
Doli:          Haya mimi niko tayari.
Durudu:  Unajua Doli kwasasa
                  nimeshakuwa umri unaenda.
                  Nikisema nimrukie  mwanamke
                  huyu  kesho Yule sasa kweli
                  mwisho wa siku hata Mungu
                 atanilaani nikajikuta nahangaika
                 tu   na hao wasichana tu badala ya                  kutafuta  maisha. Yaani mimi leo
                 hii ingekuwa nahangaika tu na
                 hao wasichana leo hii
                 nisingekuwa naishi kwenye hiki
                 chumba  pekee yangu. Sasa hivi ni
                 mwaka wa pili hivi nahisi
                 unakaribia kukata kabisa
                nimekuja hapa   nikiwa nakaa
                mageto  kwa rafiki yangu tu.
                Kwahiyo kwasasa ni muda wa
                mimi kuweza kupata mwenza wa
                kuniburudisha na hadi tuoane
                kabisa. Doli nina  malengo na
                wewe  embu niamini.
Doli:       Sawa nitakuamini kama na wewe
               utakuwa kweli na hayo malengo.
Durudu:  Sawa. Ila unajua Doli kuna jambo
               nataka nikujulishe sijui
               utalipokeaje!
Doli:      Niambie ndipo nijue nitalipokeaje.
Durudu:   Yaani hadi naogopa kukwambia.
Doli:       Niambie na mimi nijue nitaogopa
               au laaa.
Durudu:    Aaaaaaa Doli kwamba….
               Unajua… Doli…
Doli:      Mbona kigugumizi cha ghafla tu?
              Kimetokea wapi? Embu ongea bana.
              Wewe hujui mimi hapa mimi ni
              mfanyakazi wa ndani nanimetoroka               tu kwa vile nimeaga naenda
              kusalimia marafiki zangu. Embu
               niambie bana Durudu mimi
                 niwahi  zangu.
Durudu:   Isiwe tabu sana. Aaaa… Doli mimi
                 … nime… nimeathi…athirika.
Doli:        “ haamini alichokisikia kutoka
                kwa Durudu. Doli anasema”.
                Durudu ati   unasemaje?
Durudu:    Nina UKIMWI.
Doli:         UKIMWI… UKIMWI kabisa huu
                ninaoujua. Yaani kabisa Durudu
                umeamua kunichinjia baharini
                kabisa. Durudu sasa mimi
                nitamueleza nani haya   majanga
                kabisa. Durudu mimi Yule bosi
                wangu hatanielewa kabisa. Hivi
                eeeee  Mungu wangu weeee kweli
               kuna watu hampendi kabisa
               maendeleo ya wenzenu. Ooooooh!!!                jamani kuna watu ni chui. Durudu
               kabisa na hatujatumia   hata cha
               kondomu.
Durudu:    Doli usikasirike ndiyo
               imeshatokea hivi.
Doli:       Imetokea hivi… yaani unaongea
                kirahisi kabisa. “ anaongea huku
                machozi yakimbubujika
                kwelikweli”
Durudu:Ndiyo maana nimeahidi nitakuoa
               Doli siwezi kukuacha kama
               ukikubaliana na mimi.  Hiyo ndiyo
               imeshatokea tayari.
“ Doli anainuka kwa hasira anavaa nguo na pia Durudu naye anainuka na kuanza kuvaa nguo haraka haraka ili amsindikize Doli. Anampa maneno ya kumtia moyo. Wanatoka nje wanatembea wote hadi sehemu yenye boda boda na wanapakia kwenye piki piki moja. Doli anapoishi ni huko kwa Morombo”.

“ Mandhari ya nyumbani kabisa kwa  Durudu. Ambapo Durudu alijitahidi hadi kufikia kujenga nyumba yake kabisa yenye vyumba vinne hapo ni baada ya kama ya miaka mitano kabisa. Wanaonekana wamekaa Doli na Durudu wakiwa wana maongezi ya hapa na pale. Doli amevaa dera na kichwani kajifunga kitambaa chekundu huku Durudu akiwa amevaa suruali ya kitambaa na shati jeupe.walipokaa ni kwenye makochi. Nyumba yake kwa huko juu bado haijakamilika vizuri yaani haina silingiboard. Wanaangalia runinga”.
Durudu: Doli mke wangu. Kwasasa ni muda                 tayari umeshapita tangu tuingie
                kwenye ndoa yetu. Majanga mengi
                tumeyapata hadi muda huu na
                moja wapo ni hilo la wewe
                kuharibika  kwa mimba yako.
               Niseme tu nikushukuru kwa
               uvumilivu wako.
Doli:      Sawa.
Durudu: Pia ndiyo hivyo hata sasa afya
               yako si nzuri sana. Ila bado nasema                nitaendelea kuwa na wewe. Kwa
               sababu haya yote ni mimi kama
              msababishaji ila kwasasa si muda
              wa kuanza  tena kulaumiana au
              kulalamika bali ni muda  wa sisi
               kujipanga ipasavyo tujue ni namna
              gani ya kujiendeleza zaidi ya
              tulipofikia   muda huu.
Doli:     Sawa mume wangu nimekuelewa.
Durudu: Aaaah ni kwamba unakumbuka
               kuhusu mwanangu na mdogo
               wangu  wako nyumbani kule
               niliwaacha.
Doli:      Ndiyo uliniambia vipi kwani kuna
               nini huko?
Durudu: Aaaaah… hamna ila nilitaka tu
               nikujulishe kwamba nataka
               nikawachukue niwalete huku
               mjini wafanye kazi nao na Yule
               mwanangu aje aendelee na
              masomo huku. Kwasababu
              kwasasa Yule Ilali ambaye ndiyo
              mdogo wangu ameshakuwa ni mtu
              mkubwa kabisa   hata ukimwambia
              simamia sehemu fulani  anaweza
              kufanya hivyo kabisa.
Doli:   Haina shida itakuwa ni vyema
              ukifanya hivyo. Kwasababu ndiyo
              hivyo hata afya yangu ndiyo kama
              unavyojionea hapa. Hiyo kansa ya
              koo niliyonayo hapa hii ni  muda
              wowote tu natumai itanichukua.
              Ukichanganya na huo UKIMWI
              ndiyo kwaheri kabisa.
Durudu: Embu bana usiongelee kuhusu hilo
                jambo kabisa.
Doli:      Ndiyo ukweli huo. Ila sawa.

“ Ni nyumbani kwa Durudu tunaona Doli akiwa amelala kitandani. Durudu akiwa amesimama hapo pamoja na Ilali na Ijojo. Doli anaonekana hali yake si nzuri kabisa sauti anayoitoa ni sauti ya chini sana. Anaongea kama vile sauti inakata kata. Ilali anaonekana kabisa ameshakuwa ni mrefu kabisa na hata Ijojo naye ameshakuwa kabisa si kama wa kipindi kile. Muda huo ni mishale ya saa kumi alasiri. Durudu anamuongelesha Doli”
Durudu:  Mke wangu unajisikiaje?
Doli:       “ Anaongea kwa shida lakini hata
                hasikiki kabisa. Anaongea kwa
                ishara akiwa anauonyooshea
                mkono wake shingoni”.
Durudu:  Sasa Ilali embu angalia kwenye
                simu yangu hapo angalia kuna
                namba  imeandikwa Tax embu
                mpigie halafu mwambie aje hapa
                nyumbani kwangu muda huu.
Ilali:       Sawa kaka. “ Ilali anaenda
               kuchukua simu ikiwa kwenye
               kochi. Simu ni aina ya TECNO
               ndogo tu. Anaingia kwenye orodha
               ya majina na kutafuta TAX anapiga
              simu”.
Durudu:   Embu Ijojo chukua baadhi ya
               nguo za mama yako na uweke
               kwenye  mkoba ili TAX ikija tu
               isiwe shida tena.
Ijojo:      Sawa baba.
Durudu:  Sasa Ijojo itabidi ubaki hapa
                nyumbani kwa ulinzi zaidi. Sisi
                tutaenda hospitali pamoja  na Ilali.
Ijojo:     Sawa baba.
“TAX inasikika huko nje ikiwa inaliza honi. Tayari Doli anainuliwa. Durudu, Ilali, na Dereva ndiyo wamembeba na kumpeleka kwenye gari. Wote wanaingia ndani ya gari na dereva anakanyaga gia kueleka MOUNT MERU HOSPITAL”.

“ Inaonekana ndiyo panapambazuka. Daktari pamoja na rafiki wa Doli ambaye ndiye aliyekuwa amelala na Doli wodini wana maongezi huku wakiwa wanatembea. Wanakutana na Durudu akiwa ameshikilia kikapu chenye chupa na vitu vingine vikiwa vimefunikwa. Daktari anakatisha mazungumzo baada ya kumuona Durudu na pia rafiki yake Doli naye anaonekana yuko kimya Durudu anasema”.

Durudu:  “ Akiongea akiwa na hamasa ya
                 kujua hali ya Doli” Dokta vipi hali
                 ya mke wangu?
Daktari:  Aaaaah …. Kuwa huru kwanza za
                 nyumbani?. Uko swalama kabisa?.
Shemeji:    “ anaonekana anampokea
                 Durudu kikapu.”
Durudu:  Huko hawajambo kabisa. “ Ilali
                 pia naye anaonekana anakuja
                 anawakuta wakiwa katika
                 mazungumzo”  vipi mke wangu?
Daktari:  Aaaaa?…. Durudu hali ya Mama
                 si nzuri sana….
Durudu: Si nzuri ni sawa tangu jana hali si
                 nzuri embu nielezenivizuri.i
Daktari:  Aaaa… kwa ujumla… ame…
                amefariki alfajiri…
Durudu:   “ Baada ya kuambiwa tu anabaki
                 ameduwaa tu hana hata la
                 kuongea. Daktari  anamwambia
                 hivi.”
Daktari:  Unajua mipango ya Mungu haina
                 makosa.
Durudu: Naruhusiwa kwenda kumuangalia
                muda huu.
Daktari: Embu tulia kwanza kwasasa hivi
                embu tuende kwanza sehemu ya
               Mapumziko. Kwasababu tayari
               tumeshampeleka mwochari…
               kwahiyo embu ungetulia kwanza.

“ Ni siku ya nne baada ya maziko kufanyika. Mandhari inayoonekana ni nyumbani kwa Durudu  panaonekana watu wakiwa wamekaa makundi makundi wakiwa na mazungumzo ya hapa na pale. Ilali na Ijojo wakiwa nao wako kibarazani hapo, baadhi ya ndugu wa Durudu wako pale katika kikao hicho kilichokuwa kinahusu ugawaji wa mirathi. Muda huo ilikuwa ni mishale ya saa nne asubuhi. Panaonekana kuna meza pia juu ya meza kuna matunda yamewekwa ili watu wajipatie kula. Pia kuna kisu cha kukatia matunda kipo hapo kinaonekana. Shemeji zake Durudu nao wako hapo na binamu zake pia wako hapo pamoja na Kijukuu katika kikao hicho. Durudu anasema hivi”.
Durudu:   Habarini ndugu, jamaa na
                  marafiki.
Wote:       Salama.
Durudu: Mkusanyiko huu unamaanisha
                kuna mazungumzo maalum.
                Baadhi ya watu natumai
                hawakuwa wanawajua wadogo
               zangu na mwanangu. Huyu hapa
               ni Ijojo (Ananyoosha kidole kwa
              Ijojo )  ndiyo mwanangu wa kwanza                na huyu hapa (Ananyoosha kidole
               kwa Ilali) ni Ilali ni mdogo wangu
               na  katika familia yetu  tumezaliwa
               wawili tu yaani mimi na huyu Ilali.
               Pia ndiyo huwa naishi nao wote
               hawa hapa nyumbani. Pia tangu
               mwanzoni tu hawa ndiyo kama
               warithi wa vitu mbalimbali
               ambavyo ni vyangu. Kama nyumba                hii tayari ilikuwa   imeshaandikwa
               hii  ni yao yaani kwa wote.
               Nimependa kusema tu hivi
               kwasababu hakuna ajuae badae
               wala kesho.  Nyumbani kule nako
               panajulikana baadhi ya maeneo
               ambayo ni ya kwao ya ushikirika
               yaani kati ya Ilali na Ijojo.
               Embu Ilali na Ijojo wasalimuni
               ndugu zenu hapa.
Ilali:      (Anasimama ili kutaka kuwasalimia                ndugu. Durudu anaonekana
               anachukua tunda  hapo mezani.
              Anachukua na kisu, analikata
              chungwa huku akiwa anawaza
             sana ni watu wengi ameshawaua
             sana kwa huo ugonjwa wa UKIMWI.
             Anamfikiria aliyempa   UKIMWI
             ambaye ni Safi, baadhi ya wasichana              wake wote aliyowapitia na
             kuwapatia UKIMWI hadi
             anamkumbuka mke wake ni yeye
             ndiye kamuambukiza UKIMWI na
             kafariki. Pale pale anaamua
             kujichoma kisu kifuani na
             anaanguka chini watu wanashangaa
             tu mtu yuko chini. Wanaanza
            kumnyenyua ili kumpeleka hospitali
            tayari anafariki hapo hapo).


                                 TAMATI